又輪到介紹新遊戲時間。約翰·哈蒙德
John Hammond（其實即係史匹堡）20幾年前攪咗個餵食樂園俾恐龍🦕好開心地追人咬，從此小朋友都會知道「嘩～～」咁叫嘅叫暴龍🦖（咦？唔係多謝史提芬周咩？）然後，當然係循著續集電影的優良傳統，越拍越差啦！於是待到星爵回到地球、人類著高踭鞋跑得快過暴龍時，再從新開始寫一個人類扮演上帝無好下場的故事⋯⋯電影帶動商品呢招近年大行其道，因此連帶桌遊也受惠，今次我們就是介紹的新game便是
《Jurassic Park: Danger》！！！
以下簡稱JPD
其實還有另一副《混沌基因》。不過一來無到手，二來佢似乎主力賣Model⋯⋯所以都係等口碑不錯才再考慮。講番JPD，它是以侏羅紀公園第一集作為背景，遊戲起始就是在肥仔電腦專員關掉所有電網開始⋯⋯
玩家分成兩個陣營，一位玩家擔任獵人（當然係恐龍🦖），另一邊就係獵物（人類都有今日喇🍖🍖🍖🍖）。每一個角色和獵人拿著自己人物卡和10張行動卡就開始。有幾多個玩家就放幾多個人在島中心，而可怕的獵人就放在外圍。獵物目標就是離開這個島嶼，但由於電力中斷了無法對外聯絡，所以獵物們要合力去到訪客中心、控制中心、維修中心恢復系統。各中心有不同功用，啟動訪客中心可以把這三個地方變成安全區、啟動控制中心可以補回兩張手牌。而最緊要的維修中心，就是決定電網是否通電了。當三個中心都啟動以後，就可以跑向直升機坪坐直升機離開。但要記著人物卡上每人都有個人目的去達成，要完成任務才可以上機。而恐龍的目的，就是要吃下獵物啦！不過不用全部呑下，吃三件就可以了（30%就滿足，幾易養🤔）。那麼，獵物受到恐龍🦖攻擊會怎樣呢？把行動卡想成血量就可以了。每當被恐龍攻擊，獵物就會失去一張行動卡，當手上沒有行動卡，你這個角色就已經死了！什麼？行動又要支付卡、被咬又要失去卡，咪好快用晒？（沙織小姐：你不是還有生命嗎？）遊戲中，角色可以以失去一張卡的代價，來把使用過的卡全部放回手上（或者去控制中心），所以呢，休息是為了走更長遠的路啊！但這個條件只限人類，恐龍用完手上的行動卡，只需要全部拿回手上便行⋯⋯
就咁睇，做恐龍🦖的玩家好開心呢！🥳