「無人可以超越系我前面嘅！」
呢句對白系《我要衝線》的男主角赤木軍馬嘅口頭禪嚟。好耐？系呀。有20年以上的歷史了。不過今次介紹嘅系新遊戲來，其名叫Downforce（玩命賽道）。我對於呢個名就相當一般，大概系要食住幾位光頭男星套賽車戲。不過，佢哋好似未試過系賽車場揸過車啦！其實呢個字係解作下壓力，在一級方程式賽車中佔有非常重要的位置。下壓力的提升，能加大賽車的抓地力，因而產生更好的操縱性⋯⋯
Downforce呢個遊戲其實不淨止系速度之間的賽事，還牽涉到投資眼光的（成年人的世界都是不簡單的）。話說各位都系班主（2-6人）分別贊助6位車手去參加比賽，獲得最多$就系贏家。除了勝出比賽的獎金外，賽道上還有三個check pt，不過唔系用來加秒數，而是用來下暗標的。所以，有可能發生班主唔支持自己旗下車手，走去大手買入敵對車手從而贏得最多錢⋯⋯
講就好似好複雜，但其實玩起來又好似好簡單。首先選好賽道，然後把速度卡（抽起8速卡）洗勻後，平均分發給每位玩家成為手牌。之後將6個駕駛司機堆成一疊（圖板嚟，唔系模型）放上一旁，再將6架賽車隨機擺放在賽道的起點。之後，就翻開8速卡（之前抽起）及能力卡最上的1張牌，那麼就等於該車隊的能力了。跟著每位玩家挑選1張速卡做暗標，所有玩家同時將卡牌翻開。卡牌上與競標賽車相同顏色的數字，就等於玩家支付的競標金額了。當然就系價高者得啦。如此類推，直到所有車手埋班為止。為了公平起見，最後肯定每一個班主都有一位車手賽車競爭。位居①位置的班主為開始起始玩家，依順時針方向，各玩家輪流依序進行打出1張速卡，根據速卡依據「由上至下」的規則移動符合顏色賽車所示數字移動格數。若果有wild字樣，就可以任意移動一架速卡上沒有的賽車。不過，賽道上充滿變數，各車手可以發動競投時得到的能力來幫助自己。例如Aggressive 就讓速卡上最快（數字最大）的賽車額外行多一格。不過，在賽道上所有賽車只可前行，除非前方有車阻礙，所以誰人先入彎道非常緊要呢！
呢副遊戲好玩又易學，同小朋友玩都無問題，只要抽起暗標的玩法就成為簡單的競速機制，加上架一級方程式賽車🏎️造型美觀（可惜個轆郁唔到），系親子遊戲嘅恩物。