食神史提芬周經典對白：
「爭咩呀？溝埋做瀨尿牛丸呀！笨！」所以波蘭Cobi都以自己的微型小坦克創作了一套桌遊，名為Tank Wars。
一款非常容易上手嘅遊戲，好適合同仔仔女女玩嘅🤣遊戲類似經典遊戲Battle ship（無錯^_^，飛機有得玩的），不過今次唔係五部不會移動的靶船，而是三架不同的戰車，分別係最捱得的坦克、主攻手段自走炮和最靈活的裝甲車。遊戲開始，雙方隨機把三部戰車放在版圖上，然後雙方火炮首先決定秘密下達各車輛的移動格數、方向，然後再決定Gunfire的標誌放在敵方版圖上。坦克有兩個而裝甲車上有一個，所以共計有三個。之後，自走炮就向敵方開火4次，命中的位置就以骰子🎲來決定，直接命中對方戰車固然會造成傷害（第一次玩就已經一發入魂打爆了英軍裝甲車😤），但若果未能命中呢？就會造成彈坑，當戰車移動的方經過彈坑上也會造成傷害。但Gunfire卻必定要命中戰車停止的方格才計算。自走炮未有命中的彈坑不會消失、而Gunfire 指示物卻會收回，所以到了中期會越來越多彈坑，這時就可以考慮Gunfire的另一用處～～取消彈坑，開出道路。一輪炮轟，友軍的空投補給就會出現，空投時再擲一次骰子決定出現在那一個地方。只要雙方仍有戰車在場，遊戲就會繼續打下去。
第一次見到時我就想：「吖！有晒Model，都幾好吖！」但當開咗出來嘅時候真係愕然⋯⋯「嘩！唔係咁Battle ship呀？」但玩落就發覺簡單得來好刺激🤣
好像英軍一開局就喪失了靈活的裝甲車，本來就處於劣勢下，但憑著驚人迴避率，那怕德軍在決勝回合（雙方都剩下一車一wound）得到空軍支援，催谷到九發炮轟，可惜都係贏不了^_^而且呢set嘅細模型雖然細隻啲，但是造型相當不錯👍🏻，當然若果你也有買Cobi的戰車，其實係可以用大Model來玩㗎！