SANTORINI 聖托里尼 呢⋯ ⋯ 就係一個位於 希臘 的 旅遊聖地, 有好多白色小屋, 配襯 天空藍 色的屋頂, 好靚好靚既地方。藍白色希臘風, 好多民宿都會參考, 不過呢,今次唔係講旅遊(其實小編未去所以冇得講), 而係介紹一副遊戲規則好簡單, 製作精美的 BoardGame 桌遊 。
![](http://egatenovel.com/wp-content/uploads/2019/10/fbfec243b3c34878982ed3555c1d9155-1024x512.jpg)
![](http://egatenovel.com/wp-content/uploads/2019/10/E85E7ED5-8DEB-4090-B607-085C4D7ED7A1-768x1024.jpeg)
遊戲的目的就是玩家扮演建築工人, 在聖地上起屋, 三層白色小屋加上藍色圓頂, 合共最高四層,而玩家最快爬到第三層就獲勝。 沒錯, 就是只要起到第三層, 爬上去就勝利, 當你唔夠人快跳上去, 那就起第四層, 用圓頂封住佢。
遊戲玩法很簡單,就係移動和起屋。
1.移動 – 往角色的周圍八個位置其中一個位置移動 ,往上的話一次只能爬一層,往下則沒有層數的限制 。
2.起屋 – 移動之後起屋 ,起屋一樣是起在角色周圍的八個位置其中一個 , 每次往上起一層 , 第四層的話就是蓋上圓形屋頂 。 蓋上圓形屋頂的位置就不能再移動上去了。
![](http://egatenovel.com/wp-content/uploads/2019/10/2250D4F3-C575-43FA-8024-FF214D5CE420-768x1024.jpeg)
伴著白色小屋,希臘最著名的是什麼呢?聖鬥士?當然唔係啦,最著名的是女神雅典娜⋯咳咳希臘最著名的當然是希臘神話啦,遊戲開始時,玩家可以在眾神中選擇其中一位,當然有阿雅娜同阿菠蘿俾你揀啦,而各神均有不同能力,滿足各位玩家不同需要。
簡單的遊戲規則,配上希臘眾神的特殊能力作為變數,令遊戲過程變化莫測,節奏明快,30分鐘內分勝負。很好的一隻桌遊,製作認真,價格公道,為未曾去過聖托里尼的朋友,不失為一隻望Game止渴,打發時間,送禮自用的佳品。