話說，Kickstarter 有伏有唔伏，睇眼光時都幾講運氣，所以踏入2020年，決定開個不定期專欄講下Kickstarter 眾籌 .
Kickstarter 者，眾籌也，是不是籌得多錢就等於好? 唔一定既。咁睇定d, 等到佢籌到一定數量先落Pledge，但遲左落Pledge, d早鳥優惠又會飛走晒啊。
究竟是早買早享受，9衝超級早鳥平幾舊，還是沈迷眾籌等於倒錢落海，最後會血本無歸呢⋯
都幾頭痕，等我先分享他人的成功個案。
這個原本預計是2019年8月到，最後只是遲左4個月，12月頭就到，以KS標準，算是準時了。
這個遊戲在KS有四萬二千多人參與眾籌，合共籌了差不多5百萬歐，很是利害啊。
其實開頭都冇咩興趣落pledge，一來價錢唔平啦，二來這種玩模型的風格唔係好啱我，三來冇時間睇說明書，但最後還是落抗了，因為抱著觀摩的心（5百萬歐元啊），睇下有幾利害。
我在12月初就收到了，應該算係全球第一批收到的玩家啊（感謝Make in China)。
從外盒包裝到內容，質量十分高，不論是說明書，插畫集，咭牌，模型，配件，製作均十分精美。
模型公仔是塑膠倒模製，但其精細度比美Warhammer，不過Chaos 既風格就各有各喜愛。
遊戲規則得20頁，唔算多，但問題是咭牌和故事書都是講英文，拿著一大本英文故事書，頭痛。似乎要等到有好心人的中文翻譯先可開第一局了。
因為佢沒有早鳥優惠，所以我是最後一日先決定落Pledge。Excalibur套餐，一盒Core 加一盒怪物模型，110歐，還可以啦，但運費就要28歐元，中國製造運來香港⋯算啦，其實都成5KG重。
合共138歐，唔算平了，但製成品質素是高的，而且團隊常經更新進度，令到我地買家很放心，最後也還算準時交貨，
總結，成個團隊眾籌了5百萬歐元，當然是十分成功。買家方面，從落Pledge 到驗收成果都很滿意，不過遊戲最重要是好不好玩，我要玩過先確定最後值唔值啦。
講左咁耐，其實都係想睇下有冇人有興趣玩啦，有興趣玩就留言啦，謝謝?