可能受到《超時空要塞》的影響，當年看到雄貓真係覺得好靚，比起F-15、F-16都型格過人。至於F-18嘛⋯⋯咪就係飛機一步咁囉😒，所以對於Top Gun2以大黃蜂來做主角機就真係無甚感覺了。
戲仍未上映，不過週邊産品就先行一步^_^今次介紹嘅就係呢盒飛機game：
Top Gun！
故事以Maverick（大家知係主角吧？）& Goose（呆頭鵝⋯⋯都係用英文啦）一隊和Iceman（韋基馬）& Slider一隊在訓練時的對抗賽為主（唔知有沒有和米格打起上嚟那段作為擴充？🤔🤔），需要互相切磋，爭取成為The best of the best的榮譽。他們分別係機師（M、I）和武器官（G、S），由於雙方都未滿師，所以起手每隊只有6種駕駛技術（Pilot Tile）和5個武器指令（WSO card），要如何獲得更多技術和指令呢？答案就係：打排球！只要在排球比賽中，那一隊被揭開「Whiff」這張牌，對方就可以獲得一個技術、一個指令或一個技術和指令。當任何一方三張「Whiff」都揭開，就可以在峽谷駕駛戰機了！
遊戲有六個劇本，雙方依據劇本上的位置佈置攻方、守方、路標（Waypoint）。攻方要主動追擊守方，爭取在鎖定敵機來取分；守方除了鎖定以外，還可以透過經過路標取分。只要三個路標都取得，對抗就完結。好了，如何移動呢？Maverick和Iceman先在駕駛艙選好兩個技術（Goose和Slider則選好指令），然後同時放出桌子中間，版圖上的飛機就會跟隨技術上的方向、高低來轉向前行，然後再執行WSO上的資料。WSO上有鎖定範圍，若果敵機在範圍內，就可以執行鎖定（想像儀錶版上出現一個圓圈⭕️在敵機身上移動），跟據位置上的數字來擲骰，每一粒骰出現命中符號就獲得5分，12分以上就會結束⋯⋯
雖然未曾試玩過，但是我覺得好像很不錯👍🏻。簡單易學，變化多。既要考慮飛機高度（高鎖低有獎勵）、比賽場地的邊界（出界送一次命中俾對方），更要和隊友有默契配合（發生意外撞爆頭就唔好）。不過，贏排球🏐️學新招就真係不敢苟同了😅。雖然戲內離開了天空就是打排球（誤，還有追女教官『大誤』）但這樣加插一個小遊戲我就比較覺得古怪。還有一點，遊戲中Maverick隊係以桃紅色來代表（Iceman係粉藍😅），都相當「搶眼」，🤔🤔🤔🤔🤔若果⋯⋯有其他色的話我會更鍾意❤️