在珠珠台看了套《大君主之役》，噢！買！葛！真心非常慶幸無俾錢入電影院睇。
話說，美英要實行史上最大規模的登陸戰，所以需要先派兵仔到納德陣地破壞某個控制塔，以免干擾云云。於是就預先派出數十隊先頭部隊去滲透破壞。不過他們可不是偷偷摸摸地從海陸路去，而是大模斯樣的坐飛機空降? ? ? ? ? ⋯⋯又話會干擾嘅？所以，差不多就全軍覆沒。只剩下US AGENT 同5個士兵繼續英勇前進。5個士兵當中，除了一個大談將來想做什麼嘅死人之外，艾德一等兵充滿仁慈嘅心，愛護隊友、又照顧法國美少女，運氣滿分，隻身入屍穴原全無驚動任何一個納德士兵。能力之大，甚至於救走埋瞓係手術床預備做手術嘅戰友同偷埋實驗藥水都無人同屍發覺……天呀! 這是什麼劇情? 不過撈埋超級死屍嘅故事唔正常係應該嘅，咁你就俾多啲軍備或者喪屍嚟睇，可是呢⋯⋯兩者皆缺。軍備又無，屍又無，甚至連人都無乜，低成本一至於斯。唔知係咪用晒落前期CG?
那麼，歷史上的大君主之役又係咪咁寒酸呢？當然唔係。此役乃美英最落本錢的一役，
共計超過：
700萬噸彈藥、
1700萬地圖、
11590架各式飛機，共飛14674架次、
15500名美軍傘兵和7900名英國傘兵投放到納德內陸地區、
動用接近7000艘各種海軍艦艇。
包括1213艘戰艦、4126艘登陸艦、736艘輔助艦和864艘商船、
以及登陸作戰的陸軍士兵有13萬多人，5萬7500人是美軍、
7萬5215人則為英國、加拿大、紐澳與波蘭挪威等部隊。
真係畢其功於一役呀⋯⋯
但是，在羅斯福心目中，呢一場戰役已經來遲了。在美國參戰之後，羅斯福就已經想實行這個戰略，不過當時巨大的工業力量剛剛才起動，無論人員、裝備都不足夠，加上肥邱為他描繪了另一幅美麗的圖畫，在肅清非洲軍後（呢個係必需嘅！因為不可以讓納德經埃及走入非洲或中東），先行打倒意大利，再一路向南，沿著地中海岸收復巴爾幹半島，避開納德在法國沿岸的「大西洋壁壘」，抽擊軸心國的「軟下腹」。之後北上波蘭，趕在紅軍解放歐洲前把他們拒之於門外。最終對納德發起決戰直搗老巢，把盟軍旗掛係德國國會大樓外。到時候，就複製一次巴黎和會，聯同法國佬逼充滿理想的「威爾遜」再一次退回美洲，重建日不落帝國。
可惜，幻想係美麗，現實係殘酷。雖然意大利國王在1943年9月8日公佈停戰協議，但可不代表在意大利的戰爭就完結。在意軍投降之前，元首就已經懷疑意大利嘅立場。在墨索里尼政府垮台的翌日，即7月26日，他就命令德軍控制了法意和德意峽谷的所有山峰、路段，並從法國和德國本土抽取了一批師團開入意大利指揮部，组建的B集團軍群。這枝部隊由沙漠之狐隆美爾領軍，配合原在意大利協防的德軍，准备南下接應南部德軍。當停戰協議公佈，駐守羅馬的凱塞林立馬就發動「軸心行動」，一舉解除了各地意軍的武裝，並且佔領了意大利北部。於是，一場接近兩年的攻防戰就此展開。
有個咁嘅笑話:
「如果意大利保持中立，可以為德國拖住10個法國師。如果意大利加入英法一邊，那麼德國只需要5個師就可以擊敗它。但是意大利如果加入德國一邊作戰，德國需要20個師去幫助它。」
應該……唔係真嘅，但盟軍又真係用咗四個月的時間，以63000人的代價才能令納德部隊放棄古斯托夫防線，那時已經是44年5月了。再在意大利浪費時間，紅軍在波蘭的鋼鐵洪流將會席捲整個德國。因此，一場能夠發揮美英強大海空優勢的大型登陸戰，就成為西線必需要的作戰。而事實上，直到元首自殺，駐意大利的德軍也未曾放棄，他們可是戰鬥到元首死後的5月2日，才向盟軍投降。
美英常把「大君主之役」視為對德決定性嘅戰鬥，所以就認為德軍會把超級屍兵放在西線。然而，若果真的有德國屍兵的話，以東線的傷亡數字來講，大概可以組織3次巴巴羅薩行動了。作為指揮的你，真的有這種新奇又可怖的東西 (對不死生物士氣值有減值) ，肯定會放在東線那個人間地獄對抗羅剎兵。淨係「材料」都輕易入手。西線? 用正常手段就可以了！
沒有莫斯科保衛戰、
沒有史太林格勒戰役、
沒有庫爾斯克會戰、
把德軍的精銳損耗殆盡，西線戰況才會來得可怕⋯⋯