上次講完A & A Europe ，今次講嘅當然就係 A & A Pacific （2001）。
既然講得係太平洋，當然就是1941年打響嘅美日海空大決戰啦。而除了呢兩個國家之外，參與戰爭的還有印度、澳洲、中國，不過印、澳就隸屬於英國，而中國則由美國玩家控制。每次開game，我都諗其實隻game夠5個人玩㗎？中、美、印、澳、日，係英軍嘅部隊要想想如何處理，反正印、澳係兩個荷包（印度15、澳洲20），要分開資源去採購。只係部隊方面要談判一下🤔🤔🤔。不過，大家都係服侍同一個英皇，唔係嘈呀？😁😁😁
叫得做太平洋，就真係差不多整個版圖都係海洋，亚洲只有印度、青海以東；東三省以南的地區，撇開了蘇聯的勢力範圍。而美國西岸和加拿大也只剩一角，所以各位提督/上將首要任務就係安排好海空之間的戰鬥，才能把部隊送上敵方的領土。和AA Europe的德國一樣，日本玩家起始就有優勢兵力之餘，遊戲規則更忠實反映日軍偷襲的情況，在日軍第一次發動攻擊，所有盟軍部隊（一早抗擊日本入侵的中國部隊除外）只能擲「1」反擊，所以咪睇珍珠港有戰艦又有飛機，基本上都係坐以待斃的。雖然有極大優勢，但始終不像AA1914那樣限制了奧匈帝國必需攻擊塞爾維亚，留番個決定權俾玩家。
和AAEurope除了版圖之外，還有以下的規則又新增了。首先就是Combat Air Patrol（CAP）。這個規則，讓戰鬥機在非戰鬥移動中，能夠飛往鄰近海邊警戒，敵方艦隊若果進入該區就會觸發戰鬥，必須停止前行。如果只是飛行部隊或和潛艇經過該區，是不會引起戰鬥的。（要攔阻潛艇，必須要有驅逐艦）其次，就是新增了海軍基地和空軍基地。艦隊從海軍基地出發，可以有多一步的移動力（2 =〉3），而空軍基地就可以讓飛行部隊視為在海域起飛，減少了一格航程消耗就如從航母上起飛。再者，美軍新增了價值4個IPC的海軍陸戰隊。比步兵（3）稍貴的價錢，代價就是在參與登陸戰時，能夠有更強的攻擊（1=〉2），配合上火炮支援更能提升到3（可能係因為有德斯戴蒙禱告的關係🙏🏻）。
相對美軍，日本則獲得更加多新優惠了。一，日軍驅逐艦能夠額外運送一個步兵；二，日軍潛艇在被盟軍艦隊攻擊並且成功開火反擊，則盟軍艦隊需要犧牲一艘船；三，神風敢死隊！在指定日本島週邊6個海域，當有盟軍艦隊進入，日軍玩家可以宣告發動神風敢死隊。若果擊中，盟軍要把艦隻立即移除（戰列艦可以承受兩次攻擊）。而日軍玩家則要在表上記下還剩多少次神風可用（只有6次）
來到最後一樣的新規則，就是最重要的勝利條件。日軍、盟軍都有兩種方法達致勝利。日軍方面，要嘛在保有日本下，佔領印度、新南威爾士或美國西岸任一城市直到下回合開始，又或者獲得22VP。當日軍回合結算時，每獲得10個IPC就有1VP。例如日本獲得35IPC，則獲得3個VP。而盟軍則在保有印度、新南威爾士或美國西岸下佔領日本或阻止日軍獲得VP。即在該回合下日軍只能獲得9個IPC。要令日軍收不到10個IPC，我睇番版圖，差不多是要把日軍壓制在只剩本土及東三省，看來選擇盟軍是一場硬仗呢！