上星期影咗盒新棋，但要到本週才再有機會打開。因為太大副了！我真係無辦法繞過海關法眼偷運回家，所有就唯有寄放在「東門」等喇。
衝頭霸王（快打旋風）經典啦！今次就將他們從螢幕🖥帶到桌遊上，雖然某些角色面相一般，不過加上了氣勁造型真係用心去做。而且仲上埋色，我就覺得非常滿意。若果係好像Warhammer咁要再上色，我未必會支持喇！今次「東門」參與咗廠商全部産品，不單止所有角色齊備，連帶赤目司令（🤣🤣透露了年齡）豪鬼、剛拳（不是健次郎父親）這三位Boss都一併收納，加上連齊所有地圖、拆車關卡，真係滿載而歸！
戰鬥用一副40張的角色卡來進行，每回合：
抽卡（多過7張丟棄剩番7張）
移動（根據角色速度）戰鬥（再分為抽2張、出1張、移動、出超必殺技）非常簡單，而且出招也能連接combo，只要符合卡片圖案上左右的顔色點點就可以發動。卡片還有反擊的能力，只有在合適距離下和對應下方標記就可以。不過，反擊得多，就會無卡，要好好運用就是。
唔講咁多，去圖！！