27號札記本來安排了「阿法測試」，但是由於印刷上出了延誤，結果就轉成了由T伉儷帶領我們走入鐮刀戰爭。呢副大作時有所聞，曾登上桌遊界排行榜第一名㗎！不過一直無入手的原因係投放資源太大⋯⋯
儲存空間要大！
玩嘅地方要大！！
荷包容量要大！！！
所以令我躊躇不定，望而卻步～～
遊戲本身係源於1920年代蘇波戰爭，不過游戲加強了虛構部分，形成了目的就是搶奪資源打造機甲，然後提升國力、歡迎度、錢。錢在遊戲中可是很重要的，可以收買人心、國力、資源以外，它們還是你的分數了。但其實資源又係分、佔領地區又係分、建築物又係分、做到成就又係分⋯⋯唯一歡迎度不是分數，但卻是影響了成就、資源、地區的加乘。好多嘢要兼顧呀！🤪🤪🤪雖然說是戰爭，但只要願意（或唔願意）你都能夠透過外交（口術）讓對方成為盟友。而且，發動戰爭會影響國力，除非能夠有壓倒性威力。再者，戰鬥並非用骰子決定勝負，而是用戰鬥卡鬥大，運氣值用喺其他地方嘅朋友就不用愁讓骰魔欺凌啦⋯⋯
今次我初嘗鐮刀（好似好痛咁），就抽到老虎紅軍，她的特殊能力係同一個指令能夠重複執行，非常專注，因此我在兩回合內就把所有工人生産出來了（一個成就👍🏻）但是原來出晒所有工人後，每一次生産都要額外支付「1點國力、1點歡迎度、1金幣」，於是想好的速度增長就完全破壞了。幸好人多有人多的好處，收集資源時一次就滿足了條件，夠晒資源「噏龜」一次，把機機人全部生產出來（繼續為己種禍）⋯⋯
每開發一個機械人都有移動獎勵，但好多時我都忘記了採用。例如有一個獎勵係主角+機械人+工人就能夠突入地圖中央工廠解開第5指令，我要到T先生做了一次才「哦！係喎！」不過錯有錯著，我選了的指令也附合紅軍發展。就是用錢來直接購買建築物和歡迎度。因為紅軍起始地缺木（建築用）、缺糧（開發ENLIST），要有機甲渡河才佔到糧地，於是和T夫人的藍軍訂下互不侵犯條約，大家一起悶聲發大財。而第五指令剛好彌補了無木的缺陷。不過臨近終局，看到T夫人漸漸向工廠推進，最終恶戰難免⋯⋯好在T先生達成6個指標，遊戲就咁結束。經過一輪計分，竟然剛好就是36⋯⋯🤣🤣🤣🤣
很好玩的一副遊戲。多樣的選擇完game選項、模型精美、簡單指令但又讓人能夠充分思考如何處理國家需要，而且雖說只是自己顧自己，但其實要留意對手行動，互動值高，真係非常有趣。今次沒有加上蒸汽船，不知道下一次加埋又有什麼變化呢？雖然今次紅軍「做就36」但下一次應該會大大咁追上！追上！追上！